Woman Sees Grandfather On Google Maps Street View Years After He Died
‘గూగుల్ స్ట్రీట్ వ్యూ’లో తన తాతను చూసి షాకైన మహిళ, ఎందుకంటే..
చిన్నప్పుడు తాను నివసించిన తాతగారి ఇంటిని చూసేందుకు ఓ మహిళ గూగుల్ స్ట్రీట్ వ్యూలో వెతికింది. ఆయన ఇంటి వద్ద కనిపించిన తాతను చూసి ఆమె షాకైంది. ఎందుకంటే..
Samayam Telugu9 Feb 2020, 8:04 pm
‘గూగుల్ స్ట్రీట్ వ్యూ’ అందుబాటులోకి వచ్చిన తర్వాత ఇంట్లో కుర్చునే ప్రపంచ మొత్తాన్ని చుట్టేసే వీలు కలిగింది. అంతేకాదు.. ఏ వీధి ఎలా ఉందో కూడా చూసుకొనే వెసులుబాటు ఇందులో ఉంది. చాలామంది తమ బంధువులు, స్నేహితుల ఇళ్లను, వీధులను చూసేందుకు ‘గూగుల్ స్ట్రీట్ వ్యూ’లను చూస్తున్నారు. ఈ నేపథ్యంలో నార్త్ కరోలినాకు చెందిన లెస్లీ యజైరా అనే మహిళ కూడా గూగుల్ స్ట్రీట్ వ్యూలో తాను చిన్నప్పుడు చూసిన తాత ఇల్లు, వీధి ఎలా ఉన్నాయో చూద్దామని ప్రయత్నించింది.
Twitter-𝕵𝖆𝖈𝖐𝖎𝖊
Twitter-🧚🏽♀️
తాతను చూసి ఆశ్చర్యపోయిన లెస్లీ
అందులో కనబడిన ఓ చిత్రం ఆమెను ఆశ్చర్యపరిచింది. భావోద్వేగానికి గురిచేసింది. కారణం.. ఆ చిత్రంలో ఉన్నది మరెవ్వరో కాదు.. చాలా ఏళ్ల కిందట చనిపోయిన తన తాత. ఈ విషయాన్ని ఆమె ట్విట్టర్ ద్వారా వెల్లడించింది. ‘‘కొన్నేళ్ల కిందట మా తాత చనిపోయాడు. ఆ సమయంలో ఆయనకు మేం అంతిమ వీడ్కోలు చెప్పలేకపోయాం’’ అని తెలిపింది.
వైరల్గా మారిన ట్వీట్
‘‘నిన్న గూగుల్ మ్యాప్ సాయంతో మా తాత పొలం నుంచి ఇంటి వరకు ఉన్న వీధులను చూశాను. రోడ్డు చివరిలో ఉన్న మా తాత ఇంటి వరకు వెళ్లి చూశాను. ఇంటి ముందు మా తాత కుర్చొని ఉన్నాడు’’ అని తెలుపుతూ భావోద్వేగాన్ని వ్యక్తం చేసే ఎమోజీతో వీడియోను ట్వీట్ చేసింది. ఈ ట్వీట్ ఇప్పుడు సోషల్ మీడియాలో వైరల్గా మారింది.
ఒక్కొక్కరిదీ ఒక్కో కథ.. ‘థాంక్స్ టు గూగుల్ మ్యాప్’
జనవరి 7న పోస్టు చేసిన ఈ ట్వీట్ను ఇప్పటివరకు ఈ వీడియోను 4.1 మిలియన్ మంది వీక్షించారు. 4.48 లక్షల మంది లైక్ చేశారు. 60 వేల మందికి పైగా రీట్వీట్ చేసుకున్నారు. ఈ సందర్భంగా కొందరు తమకు ఎదురైన ఇలాంటి అనుభవాలను ఆమెతో షేర్ చేసుకుంటున్నారు. ‘గూగుల్ స్ట్రీట్ వ్యూ’లో వారికి కనిపించిన తమ ఆప్తుల వీడియోలు, ఫొటోలను ట్వీట్ చేస్తూ.. గత జ్ఞాపకాలను నెమరు వేసుకుంటున్నారు. వాటిని ఈ కింది ట్వీట్లలో చూడండి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.