జలపాతంలో జారి 50 అడుగుల ఎత్తు నుంచి పడిన మహిళ, వీడియో వైరల్

హవాయిలోని జలపాతం అందాలు చూసేందుకు వెళ్లిన మహిళ.. అక్కడి నుంచి జారిపడింది. సుమారు 50 అడుగుల ఎత్తు నుంచి కింద పడింది. ఈ ఘటనలో ఆమె ప్రాణాలైతే నిలిచాయి. కానీ, తీవ్ర గాయాలతో.. నడవలేని స్థితిలో ఆసుపత్రిపాలైంది. ఇదంతా ఆమె తలకు అమర్చిన గోప్రో కెమేరాలో రికార్డైంది. ఈ వీడియోను ‘వైరల్ హగ్’ అనే చానెల్ యూట్యూబ్‌లో పోస్టు చేసింది.

యూనివర్సిటీ ఆఫ్ హవాయి విద్యార్థిని హీదర్ ఫ్రిసెన్ అనే 26 ఏళ్ల మహిళ తన స్నేహితులతో కలిసి ట్రిప్‌కు వెళ్లింది. ఈ సందర్భంగా ఆమె జలపాతం వద్దకు వెళ్లి అక్కడి అందాలను చూస్తూ రాళ్లపై నడవసాగింది. అయితే, వాటిపై నాచు ఎక్కువగా ఉండటంతో ఆమె జారిపోయింది. క్షణాల్లో ఆమె జలపాతం నీటిలో పడింది.

Read also: కంటిలోకి దూసుకెళ్లిన కుక్కర్ విజిల్.. బాధతో విలవిల్లాడిన మహిళ

ఆ వేగానికి నీటిలో మునిగి అడుగు ఉండే రాళ్లను వేగంగా తాకింది. ఈ ఘటనలో ఆమె పాదాలకు గాయాలయ్యాయి. ఆమె అరుపులు వినగానే కొంతమంది పర్యాటకులు అక్కడికి వచ్చి హీదర్‌కు సాయం చేశారు. ఈ ఘటనలో హీదర్ శరీరంలోని 10 పక్కటెములు విరిగాయి. ఆమె ఊపిరితీత్తులు దెబ్బతిన్నాయి.

వీడియో: