Rabies Day: నేడు రేబిస్ డే.. కుక్క కరిస్తే ఈ 7 పనులు చెయ్యాల్సిందే!

ప్రపంచవ్యాప్తంగా ఎక్కువ మంది పెంచుకునే పెంపుడు జంతువులు కుక్కలే. భూమిపై మానవుడు పుట్టినప్పటి నుంచే కుక్కల్ని పెంచడం మొదలైంది. వాటితో వేటకు వెళ్లి... కుక్కల సాయంతో తమకు కావాల్సిన జంతువుల్ని పట్టుకునేవారు ఆదిమ మానవులు. అలా అప్పటి నుంచి ఇప్పటివరకూ చెక్కు చెదరని విశ్వాసాన్ని చూపిస్తూనే ఉన్నాయి కుక్కలు. ఐతే... ఎంత పెంపుడు జంతువైనా ఏదో ఒక సందర్భంలో కుక్కలు మనల్ని కరవగలవు. వాతావరణంలో వేడి ఎక్కువైతే కుక్కలకు తిక్క రేగుతుంది. ఆ క్రమంలో చిరాకొచ్చి కరుస్తాయి. అప్పుడు రేబిస్ వ్యాధి (Rabies disease) సోకగలదు. మరి ఆ వ్యాధి లక్షణాలు తెలుసుకుందాం.

ప్రతి సంవత్సరం సెప్టెంబర్ 28ని ప్రపంచ రేబిస్ దినం (World Rabies Day)గా జరుపుతారు. ఈ రోజున ఈ వ్యాధి ఎలా వస్తుంది, లక్షణాలేంటి (dog bite symptoms), నివారణకు ఏం చెయ్యాలో ప్రపంచ దేశాలు ప్రజలకు వివరిస్తాయి. యాజ్ యూజువల్‌గా స్కూళ్లలో కూడా పిల్లలకు ఈ విషయాలు చెబుతారు. 2007 నుంచి ఏటా రేబిస్ దినం జరుపుతున్నారు.

రేబిస్ అనేది వైరస్ వల్ల వ్యాపించే వ్యాధి. కుక్క కరిస్తే దాని నుంచి వచ్చే వైరస్... మనిషి బ్రెయిన్‌ని దెబ్బ తీస్తుంది. చివరకు మరణం సంభవించేలా చేస్తుంది. ఇతర జంతువులకు కూడా రేబిస్ సోకగలదు. ఇది సోకినప్పుడు మెదడులో మంట పుడుతుంది. ఈ వ్యాధి మనకు సోకకూడదు అనుకుంటే... ముందుగా కుక్కలకు ఏటా వైరల్ ఇన్ఫెక్షన్లు రాకుండా ఇంజెక్షన్లు ఇవ్వాలి. అలాగే ఎవర్నైనా కుక్క కరిస్తే... ఆ వ్యక్తి 7 జాగ్రత్తలు పాటించాలి.
Video: నరకానికి దారి!.. భూమికి 400 అడుగుల లోతులో షాకింగ్ దృశ్యం!

ఐక్యరాజ్యసమితిలో ప్రధాన కార్యాలయం ఉన్న గ్లోబల్ అలియాన్స్ ఫర్ రేబిస్ కంట్రోల్ అనే స్వచ్ఛంద సంస్థ... ఏటా ప్రపంచ రేబిస్ దినం జరుపుతోంది. ఈ రోజున లూయిస్ పాశ్చర్ (Louis Pasteur) చనిపోయిన రోజు. ఆయనే.. రేబిస్ వ్యాధికి వ్యాక్సిన్ (rabies vaccine) కనిపెట్టారు. అందుకే ఇవాళ ఈ దినం జరుపుకుంటున్నాం. ప్రపంచవ్యాప్తంగా ఏటా 59వేల మంది రేబిస్ వ్యాధి వల్ల చనిపోతున్నారని లెక్కలు చెబుతున్నారు. ఈ మరణాల్లో 95 శాతం ఆసియా, ఆఫ్రికాలోనే జరుగుతున్నాయి.

కుక్క కరిస్తే 7 జాగ్రత్తలు:
- ముందుగా గాయాన్ని మెత్తటి సబ్బుతో కడగాలి. తర్వాత గోరువెచ్చటి నీటిని మెల్లగా 10 నిమిషాలపాటూ గాయంపై పొయ్యాలి.
- మంచి గుడ్డతో గాయాన్ని రక్తం కారనివ్వకుండా మెల్లగా తుడవాలి.
- మీ దగ్గర యాంటీ బయోటిక్ క్రీమ్ ఉంటే.. గాయంపై దాన్ని రాయాలి.
- స్టెరైల్ బ్యాండేజ్‌ని గాయం చుట్టూ మెల్లగా చుట్టాలి.
- ఆ తర్వాత డాక్టర్ దగ్గరకు వెళ్లాలి.
- గాయాన్ని డాక్టర్ పరిశీలించాక... బ్యాండేజ్‌ని రోజుకు కనీసం మూడుసార్లైనా మార్చుతూ ఉండాలి.
- గాయాన్ని గమనిస్తూ ఉండాలి. దురద వస్తుందా, ఎర్రగా అవుతోందా, చెమట పడుతోందా, నొప్పి పెరుగుతోందా, జ్వరం వస్తోందా వంటివి గమనిస్తూ డాక్టర్ సలహాలు పాటించాలి.

Videos: పిల్లికి షాక్ ఇచ్చిన ఉడుత, ఎలుక.. పట్టుకోబోతే.. దిమ్మ తిరిగిందిగా!

డాక్టర్ ఏం చేస్తారు?డాక్టర్లు గాయానికి చిన్నపాటి ట్రీట్‌మెంట్ చేసి... రేబిస్ సోకకుండా ఇంజెక్షన్ ఇస్తారు. గాయం ఏ స్థాయిలో ఉందో చూసి దాన్ని బట్టీ ట్రీట్‌మెంట్ కొనసాగిస్తారు. అలాగే మిమ్మల్ని కరిచిన కుక్క ఎలా ఉంది, మంచి కుక్కేనా... పిచ్చి కుక్కా వంటి వివరాలు తెలుసుకుంటారు. కరిచిన కుక్కను బట్టీ ట్రీట్‌మెంట్ ఉంటుంది. పిచ్చి కుక్కలు కరిస్తే... రేబిస్‌తోపాటూ ఇతర బ్యాక్టీరియాలు సోకే అవకాశాలు ఎక్కువగా ఉంటాయి.