You Can Carry Your Own Food To Movie Halls And No One Can Stop You, Rti Query Reveals
థియేటర్లోకి బయటి ఫుడ్ తీసుకెళ్లవచ్చు.. అడ్డుకుంటే అడగండి: పోలీసులు
ఈ రోజుల్లో కుటుంబంతో కలిసి సినిమా చూడాలంటే.. సగం జీతం ఖర్చు చేయాల్సిన పరిస్థితి నెలకొంది. కారణం.. సినిమా టికెట్ కంటే, ఇంటర్వెల్లో కొనుగోలు చేసే స్నాక్స్ ధరలు ఎక్కువగా ఉండటం. లాభాలు కోసం కక్కుర్తిపడే కార్పొరేట్ దిగ్గజ సంస్థలు బయటి ధరలు కంటే రెట్టింపు ధరలకు ఆహారాన్ని విక్రయిస్తూ జేబులు నింపుకుంటున్నాయి. బల్ల కింద చేతులు పెట్టే అధికారులు వీటిని చూసీ చూడనట్లు వదిలేస్తున్నారు. అప్పుడప్పుడు తనిఖీల పేరుతో హడావిడి చేసి.. తూతూ మంత్రంగా జరిమానాలు వేస్తున్నారు. దీంతో ఆయా సంస్థలు ఇంకా దోపిడీ కొనసాగిస్తూనే ఉన్నాయి.
Samayam Telugu11 Dec 2019, 1:32 pm
ఈ రోజుల్లో కుటుంబంతో కలిసి సినిమా చూడాలంటే.. సగం జీతం ఖర్చు చేయాల్సిన పరిస్థితి నెలకొంది. కారణం.. సినిమా టికెట్ కంటే, ఇంటర్వెల్లో కొనుగోలు చేసే స్నాక్స్ ధరలు ఎక్కువగా ఉండటం. లాభాలు కోసం కక్కుర్తిపడే కార్పొరేట్ దిగ్గజ సంస్థలు బయటి ధరలు కంటే రెట్టింపు ధరలకు ఆహారాన్ని విక్రయిస్తూ జేబులు నింపుకుంటున్నాయి. బల్ల కింద చేతులు పెట్టే అధికారులు వీటిని చూసీ చూడనట్లు వదిలేస్తున్నారు. అప్పుడప్పుడు తనిఖీల పేరుతో హడావిడి చేసి.. తూతూ మంత్రంగా జరిమానాలు వేస్తున్నారు. దీంతో ఆయా సంస్థలు ఇంకా దోపిడీ కొనసాగిస్తూనే ఉన్నాయి.
హైదరాబాద్ పోలీసులు ఏం చెప్పారంటే..
ఈ నేపథ్యంలో హైదరాబాద్కు చెందిన విజయ్ గోపాల్ సమాచార హక్కు చట్టం (RTI) ద్వారా ఈ విషయాన్ని ప్రశ్నించాడు. ఇందుకు పోలీసులు సమాధానమిస్తూ.. సినిమా హాళ్లకు వెళ్లే ప్రేక్షకులు తమ వెంట ఆహారాన్ని కూడా తీసుకెళ్లవచ్చని స్పష్టం చేశారు. బయట నుంచి ఆహారాన్ని తీసుకెళ్లే ప్రేక్షకులను ఆపే హక్కు మల్టిప్లెక్స్లకు లేదని తెలిపారు. సినిమా రెగ్యూలేషన్ యాక్ట్ 1955 ప్రకారం.. ఎన్నాళ్ల నుంచో ఈ నిబంధన అమల్లో ఉందన్నరు. ప్రేక్షకులను సినిమా హాళ్లలోకి ఆహారాన్ని తీసుకెళ్లకుండా అడ్డుకోవాలనే నిబంధన ఏదీ భారత రాజ్యంగంలో ఎక్కడా పేర్కోలేదని తెలిపారు.
అదనపు ఛార్జీలు వసూలు చేస్తే చర్యలు
2017లో కూడా విజయ్ గోపాల్ ఇదే అంశంపై ఐనాక్స్ మల్టిప్లెక్స్పై హైదరాబాద్ కంజుమర్ ఫోరంలో ఫిర్యాదు చేశారు. దీంతో ఫోరం ఆయనకు రూ.5 వేలు చెల్లించాలని తెలిపింది. వాటర్ బాటిల్కు అదనపు ఛార్జీలు వేసినందుకుగా ఈ చర్యలు తీసుకున్నారు. ఇకపై అలాంటి పనులు మానుకోవాలని ఫోరం హెచ్చరించింది.
3D కళ్లద్దాలు ఉచితంగా ఇవ్వాలి
ఈ చట్టాన్ని అతిక్రమిస్తే ఎవరైనా సరే ఫిర్యాదు చేయవచ్చని హైదరాబాద్ పోలీసులు తెలిపారు. అలాగే సినిమా హాళ్లలో ఇచ్చే 3D కళ్లద్దాలకు కూడా అదనపు సొమ్ము వసూలు చేయకూడదని, వాటిని ప్రేక్షకులు తమ వెంట తీసుకెళ్తున్నా ఆపకూడదన్నారు.
మహారాష్ట్ర ప్రభుత్వం ఇటీవల సినిమా హాల్లోకి బయట నుంచి ఆహారాన్ని తీసుకెళ్లేందుకు అనుమతి ఇస్తూ ఉత్తర్వులు జారీ చేసింది. సినిమా హాళ్లు దీన్ని వ్యతిరేకిస్తే ఫిర్యాదు చేసేందుకు ప్రత్యేకంగా టోల్ ఫ్రీ నెంబరును అందుబాటులోకి తెచ్చింది. చూశారుగా.. ఈ సారి ఏదైనా మల్లిఫ్లెక్స్లో మీ ఆహారాన్ని బయట వదలి పెట్టాలని చెబితే నిలదీయండి. అలాగే, మల్టిఫ్లెక్సుల్లో స్నాక్స్, కూల్ డ్రింక్స్కు అదనపు ఛార్జీలు వసూలు చేస్తే ఫిర్యాదు చేయండి. (Photos Credit: Pixabay)
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.