viral video: అమ్మో బొమ్మ.. మరో బొమ్మను పడేసింది.. పగబట్టిందా?

దెయ్యాలకు సంబంధించి మనుషులకు రకరకాల నమ్మకాలు ఉన్నాయి. చనిపోయాక కొంతమంది తీరని కోరికల వల్ల ప్రేతాత్మలుగా మారతారనీ... వాళ్లు మనుషుల్లో ప్రవేశించడం కుదరక... బొమ్మల్లో ప్రవేశించి... ప్రతీకారం తీర్చుకుంటారని అంటుంటారు. ఇదే కాన్సెప్టుతో చాలా హర్రర్ సినిమాలు వచ్చాయి. ఈ కారణంగా... బొమ్మల్ని చూడగానే... దెయ్యాలు గుర్తొచ్చే పరిస్థితి వచ్చింది. దెయ్యాలతో ఏమాత్రం సంబంధం లేని బొమ్మల్ని షో కేసులో ఉండగా చూస్తే... ఏదో తెలియని భయం మనకి కలగడం సహజం అయిపోయింది. మరి ఆ సీసీటీవీ ఫుటేజ్ (cctv footage) సంగతేంటో చూద్దాం.

యూట్యూబ్‌లోని Matt Paranormal Official అనే ఛానెల్‌లో మార్చి 13, 2022న పోస్ట్ చేసిన ఓ వీడియో వైరల్ అయ్యింది. నిమిషం 15 సెకండ్లు ఉన్న ఆ వీడియోకి "మ్యాట్ పారానార్మల్ హెడ్ క్వార్టర్‌లో దెయ్యం నిజమైన చర్య కెమెరాకి చిక్కింది" అని క్యాప్షన్ ఇచ్చారు.

వీడియోలో ఫుటేజ్‌ని గమనిస్తే... దెయ్యాలపై పరిశోధన చేసే (Paranormal investigator) మ్యాట్ పారానార్మల్... నార్మల్‌గా తన హెడ్ క్వార్టర్‌లో పని చేసుకుంటున్నాడు. అక్కడి షెల్ఫులో అన్నీ అనే బొమ్మ ఉంది. అది చాలా అసహనంతో ఉన్న బొమ్మ అని మ్యాట్ తెలిపాడు. ఆ బొమ్మ... ఎమిలీ రోజ్ అనే మరో బొమ్మను బలవంతంగా తోసేసిందని చెబుతున్నాడు. ఆ ఎమిలీ రోజ్ అనే బొమ్మ కూడా దెయ్యం బొమ్మే అంటున్నాడు. బొమ్మ టేబుల్‌పై పడిన తర్వాత... 34 ఏళ్ల మ్యాట్... అయోమయంగా చూశాడు. ఆ బొమ్మ ఎందుకు పడిందో అర్థం కానట్లు ఫేస్ పెట్టాడు. ఎమిలీ రోజ్ బొమ్మపై ఈర్ష్యతోనే అన్నీ బొమ్మ దాన్ని తోసేసిందని చెబుతున్నాడు.

ఆ వీడియోని ఇక్కడ చూడండి (viral video)

"ఎమిలీ రోజ్ మా హెడ్ క్వార్టర్‌కి కొత్తగా వచ్చిన బొమ్మ. ఆ బొమ్మపై మేము చూపించే అటెన్షన్... బహుశా అన్నీకి నచ్చలేదేమో. ఎమిలీపై అన్నీ జలసీతో ఉందనుకుంటున్నాను. వాటి మధ్య ఏదో యుద్ధం జరుగుతున్నట్లుంది" అని మ్యాట్ తెలిపాడు.

నిజమేనా:
ఇది నిజమో, అబద్ధమో మనకు తెలియదు. ఎందుకంటే... మ్యాట్ ఇదంతా కావాలని చేసి ఉండొచ్చు. వీడియో కోసం డ్రామా ఆడి ఉండొచ్చు. లేదా నిజంగానే జరిగి ఉండొచ్చు. నిజంగా జరిగిందని మనం నమ్మాలంటే మనకు కచ్చితమైన ప్రూఫ్ ఉండాలి. ఆ బొమ్మ షెల్ఫ్ నుంచి జారి పడి ఉండొచ్చు. దాన్ని అన్నీయే తోసేసిందని ఎందుకు అనుకోవాలి?
Mystery video: ఆత్మకి హాయ్ చెప్పిన పసికందు?.. తండ్రికి ఆశ్చర్యం
మ్యాట్.. పారానార్మల్ పరిశోధకుడు కాబట్టి.. ఏం జరిగినా అతను దెయ్యాలకు ముడిపెడతాడు. తద్వారా తను ఫేమస్ అవ్వాలని ప్రయత్నిస్తూ ఉండొచ్చు. అందువల్ల ఇది నిజమా, అబద్ధమా అన్నది తేలట్లేదు.
viral video: సముద్ర నీటి నుంచి తాగు నీరు.. ఎలా తీస్తున్నాడు?
ఈ వీడియోకి నెటిజన్లు నెగెటివ్ కామెంట్స్ ఇస్తున్నారేమో... అందువల్ల కామెంట్స్ సెక్షన్‌లో కామెంట్స్ చేసే ఛాన్స్ లేకుండా చేసేశాడు మ్యాట్. అందువల్ల దీనిపై నెటిజన్లు ఏమనుకుంటున్నారు అనేది మనకు తెలియట్లేదు.