Mystery video: ఆత్మకి హాయ్ చెప్పిన పసికందు?.. తండ్రికి ఆశ్చర్యం

దెయ్యాలు లేవన్నది హేతువాదుల మాట. కాదు ఉన్నాయి అనేది పారానార్మల్ పరిశోధకుల మాట. ఏది నిజం అనేది మనమే ఆలోచించుకోవాలి. ఐతే... దెయ్యాలు ఉన్నాయి అనేందుకు బలం చేకూర్చే వీడియో ఇది అంటూ నెటిజన్లు ఓ వీడియోకి సపోర్ట్ ఇస్తున్నారు. దాన్ని గమనిస్తే... అందులో 2 ఏళ్ల ఓ పిల్లాడు లోకీ బొన్నెట్... బెడ్‌రూమ్‌లో తన తండ్రి పక్కన బెడ్‌పై రాత్రివేళ మెలకువగా పడుకొని ఉన్నాడు. తండ్రి మొబైల్ చూసుకుంటున్నాడు. ఇంతలో ఆ చిన్నారి... గదిలోని ఓ మూలకు చూస్తూ... ఎవర్నో పలుకరిస్తున్నట్లుగా చెయ్యి పైకి ఎత్తాడు. హాయ్ చెబుతున్నట్లు చెయ్యి ఊపాడు.

ఆది చూసిన తండ్రి జామీ బొన్నెట్... "అక్కడ ఎవరున్నారు?" అని అడిగాడు. ఎందుకంటే తండ్రికి అక్కడ ఎవరూ కనిపించలేదు. కానీ పిల్లాడు మళ్లీ మళ్లీ చెయ్యి ఊపుతుంటే.. ఆశ్చర్యపోయిన తండ్రి... "ఎవరికి హాయ్ చెబుతున్నావ్?" అని అడుగుతూ ఒకింత భయపడ్డాడు.

ఆ తర్వాత ఆ చిన్నారి ఎవరో కితకితలు పెట్టినట్లు కాసేపు నవ్వాడు. ఆ తర్వాత గది నుంచి వెళ్లిపోయేవారికి బాయ్ చెప్పినట్లు చెయ్యి ఊపాడు. అప్పటికీ తండ్రి "ఎవరికి హాయ్ చెబుతున్నావ్?" అని అడిగితే... గాలిలోకి చెయ్యిని చూపించిన చిన్నారి... అలా కాసేపూ హాయ్ చెప్పి... తర్వాత బెడ్‌పై వాలిపోయాడు.

బామ్మ కనిపించిందా?
అది స్కాట్లాండ్‌లోని బల్లాచులిష్ లో ఉంటున్న 30 ఏళ్ల జామీ ప్రకారం.. చనిపోయిన బామ్మ (great grandmother) ఇసాబెల్ మాథెర్స్... ఆ చిన్నారికి కనిపించింది. ఈ సంవత్సరమే 87 ఏళ్ల వయసులో ఆమె క్యాన్సర్‌‌తో చనిపోయింది. చివరి రోజుల్లో ఆ చిన్నారి.. ఆమెతో ఎక్కువగా గడిపాడు. జనరల్‌గా ఆ చిన్నారి ఎవరకీ హాయ్ చెప్పడు. కానీ ఆమెకి మాత్రం చెప్పాడని కుటుంబ సభ్యులు అంటున్నారు.

పిల్లాడికి బామ్మ కనిపించడం ఆనందంగా ఉందని లోకీ తల్లి స్టాసీ తెలిపింది. కానీ తాను మాత్రం భయపడ్డానని తండ్రి జామీ తెలిపాడు. ఈ ఘటన జరిగాక... కొన్ని రోజుల పాటూ రాత్రివేళ లైట్ ఆన్ చేసి నిద్రపోయినట్లు తెలిపాడు.

ఆ వీడియోని ఇక్కడ చూడండి (viral video)

అక్కడ చిన్నారికి బామ్మే కనిపించింది అనేందుకు తండ్రి రెండు కారణాలు చెబుతున్నాడు. ఆ చిన్నారి... బామ్మతో మాత్రమే అలా చేతులు ఊపేవాడనీ, బామ్మ పట్టుకున్నప్పుడు అలా నవ్వేవాడని తెలిపాడు. ఇంకెవరికీ ఇలా చేతులు ఊపలేదని అంటున్నాడు.
viral video: ఎంతైనా తల్లి కదా.. ప్రాణాలడ్డుపెట్టి బిడ్డను కాపాడుకుంది
"ఇదివరకు నాకు ఈ దెయ్యాలు (ghost), ఆత్మల (afterlife)పై నమ్మకాలు ఉండేవి కావు. ఇప్పుడు ఆ ఆలోచన మారింది. బహుశా మరణం తర్వాత కూడా జీవితం ఉంటుందేమో. ఆమె ఆ పిల్లాణ్ని చూస్తుందేమో. పిల్లలకు అలాంటివి కనిపిస్తాయని అంటారు కదా. బహుశా అందుకే ఆమె లోకీకి కనిపించిందేమో" అని జామీ అభిప్రాయపడ్డాడు. ఇలాంటిది మనకు జరిగితే... మనం కూడా భయపడటం సహజం.
Bermuda Triangle: అంతరిక్షంలో బెర్ముడా ట్రయాంగిల్.. ఎక్కడుందో తెలుసా?
ఈ వీడియో నిజమైనది కావడం, పిల్లాడు డ్రామాలు చెయ్యకపోవడం వల్ల... దెయ్యాలు, ఆత్మలు నిజంగానే ఉన్నాయా అనే ప్రశ్న మళ్లీ తెరపైకి వచ్చింది. దీనికి భవిష్యత్తులో కచ్చితమైన ఆన్సర్ దొరుకుతుందని భావించవచ్చు.