Google Maps - USO: గ్రీస్ సముద్రంలో వింత వస్తువు.. అదేంటి?

USO in Sea of Greece: గూగుల్ మ్యాప్స్‌లో తరచూ యూజర్లు రకరకాల విచిత్రమైన వాటిని కనిపెడుతూ ఉంటారు. వాటిపై వారు ఎంతో ఆసక్తి కలిగిస్తారు. తద్వారా నెటిజన్లను తమవైపు తిప్పుకుంటారు. అలాంటి ఓ యూజర్ ప్రకారం గ్రీస్ పక్కన ఉండే ఎజియాన్ సముద్రంలో గుండ్రంగా ఉన్న ఓ భారీ ఆకారం కనిపిస్తోంది. అది సముద్ర తీరానికి దగ్గర్లోనే ఉంది. అది 220 అడుగుల పొడవు ఉండొచ్చని దాన్ని యూట్యూబ్ ద్వారా దాన్ని చూపిస్తున్న యూజర్ The Hidden Underbelly 2.0 చెబుతున్నారు. ఆకారానికి మధ్యలో ఓ భారీ కన్నం ఉన్నట్లుగా ఆ ఆకారం కనిపిస్తోంది. అది సముద్రంలోపల ఉన్నట్లు స్పష్టంగా తెలుస్తోంది. గ్రీక్ నగరం తెస్సాలోనికి తీరానికి దగ్గర్లో ఇది ఉంది. (USO in Aegean Sea Of The Coast Of Greece)

యూట్యూబ్ యూజర్ ప్రకారం ఈ USO (నీటిలోపల ఉన్న గుర్తు తెలియని వస్తువు) (Unidentified submerged object)... గూగుల్ మ్యాప్స్ కో-ఆర్టినేషన్ ప్రకారం 40°27'4.62" 22°51'39.78" దగ్గర ఉంది. దీన్ని ఉపయోగించి ఎవరైనా సరే దాన్ని స్వయంగా గూగుల్ మ్యాప్స్‌లో చూడవచ్చు.

యూట్యూబర్ అప్‌లోడ్ చేసిన వీడియోని ఇప్పటివరకూ 1,85,176 మంది చూశారు. ఆ వీడియోని ఇక్కడ చూడండి (viral video)

అదేంటి అన్నదానిపై యూజర్లు తమ అభిప్రాయాలు చెబుతున్నారు. "అది అసాధారణ గ్రహాంతరవాసుల స్పేస్‌క్రాఫ్ట్ కావచ్చు. ఇలాంటిది నేను ఎప్పుడూ చూడలేదు" అని ఓ యూజర్ అభిప్రాయపడగా... "అది రెండో ప్రపంచ యుద్ధంలో 5 టన్నుల బాంబు వల్ల ఏర్పడిన పగులులోయ కావచ్చు. జర్మనీ, ఇటలీ కోసం ఆ బాంబును ఇంగ్లండ్ ప్రయోగించి ఉండొచ్చు. యుద్ధనౌకలు, తీరప్రాంతంలో నిర్మాణాలను నాశం చేయడానికి ఆ బాంబు వేసి ఉండొచ్చు" అని మరో యూజర్ కామెంట్ ఇచ్చారు.