అతని పేరుతోనే:
1810-1891 మధ్యలో జర్మనీ శరణార్థి జాకోబ్ వాల్ట్జ్ (Jakob Waltz) ఆ బంగారు గని ఎక్కడుందో కనిపెట్టాడనీ... కానీ లొకేషన్ అడ్రెస్ సీక్రెట్‌గా ఉంచాడని చెబుతున్నారు. జర్మనీ వారిని అమెరికన్లు డచ్‌మాన్ అని పిలుస్తారు. అందువల్ల జాకోబ్ వాల్ట్జ్ పేరునే ఆ గనికి పెట్టి... ది లాస్ట్ డచ్‌మాన్ గోల్డ్ మైన్ అని పిలుస్తున్నారు. ఐతే.. జాకోబ్.. డచ్ (Dutch people)కి చెందిన వాడు కాదు. ఏది ఏమైతేనేం... అతని పేరును ఓ మిస్టరీ గనికి పెట్టారు. (symbolic image - credit - pixabay - TheDigitalArtist)
మూడు గనుల మిస్టరీ:
అమెరికాలో బంగారు వేట ఎక్కువే. రకరకాల పద్ధతుల్లో బంగారాన్ని సేకరిస్తారు. ఐతే... అమెరికా చరిత్రలో అత్యంత ఫేమస్ అయిన గని మాత్రం ఇదే. బైర్డ్ గ్రాంగెర్ (Byrd Granger) అనే పరిశోధకుడు ఆ బంగారు గని... అరిజోనా ప్రాంతంలో ఉంది అని రాశాడు. 1977 తర్వాత అంతా అది అక్కడే ఉందని నమ్ముతున్నారు. కానీ ఎక్కడుందో ఎవరికీ తెలియట్లేదు. ఇలాంటివే మరో రెండు అమెరికాలోనే ఉన్నాయి. అవి ది స్టోరీ ఆఫ్ కెప్టెన్ కిడ్స్ లాస్ట్ ట్రెజర్, కాలిఫోర్నియాలోని ది స్టోరీ ఆఫ్ ది లాస్ట్ పెగ్లెగ్ మైన్. ఆ రెండింటి కంటే డచ్‌మేన్ గనిపైనే ఎక్కువ మందికి ఆశలున్నాయి. (symbolic image - credit - pixabay - Pexels)
వందేళ్లకు పైగా పరిశోధన:
1892 నుంచి ఇప్పటివరకూ ఆ మిస్టరీ గని కోసం వెతుకుతూనే ఉన్నారు. ప్రతి సంవత్సరం సుమారు 9వేల మంది ఆ బంగారు గని వేట చేపడుతున్నారు. అరిజోనా మాజీ అటార్నీ జనరల్ రాబెర్ట్ కే. కార్బిన్ కూడా వారిలో ఒకరు. 1870 నుంచి బంగారు గని గురించి రకరకాల కథలు తెరపైకి వచ్చాయి. డచ్ మేన్ కంటే ముందు ఆ గని... అరిజోనాలోని వికెన్‌బర్గ్ (Wickenburg) దగ్గర ఉండేదని నమ్మేవారు. ఇది డచ్ మేన్ ఉంది అని చెబుతున్నట్లు భావిస్తున్న ప్రాంతానికి 180 కిలోమీటర్ల దూరంలో ఉంది. 1870లో డచ్‌మేన్.. వికెన్‌బర్గ్‌కి దగ్గర్లోనే ఉన్న ఎడారిలో చనిపోయి కనిపించాడు. అతని శవం దగ్గర సంచుల నుండా బంగారం దొరికింది. దాన్ని అతను ఎక్కడి నుంచి తెచ్చాడో తెలియలేదు. (symbolic image - credit - pixabay - Inactive account – ID 12019)
వెంటాడిన మృత్యువు:
బంగారు గని కోసం వెతికే వారు రకరకాల కారణాలతో చనిపోతున్నారు. కొంత మంది వరదల్లో చనిపోతుంటే... మరికొందరికి నిమోనియా లాంటి అనారోగ్యాలు వచ్చి చనిపోతున్నారు. ఇలాగే కచ్చితంగా గని కనిపెడతాను అని వెళ్లిన అడాల్ఫ్ రుత్ (Adolph Ruth)... 1931 వేసవిలో కనిపించకుండా పోయాడు. ఆరు నెలల తర్వాత అతని పుర్రె కనిపించింది. దానికి రెండు బుల్లెట్ల గాయాలున్నాయి. అతని మరణం తర్వాత గని నిజంగానే ఉందనీ... అతను కనిపెట్టేస్తాడనే ఉద్దేశంతోనే కాల్చి చంపారని ప్రజలు నమ్మారు. దాంతో గని కోసం గాలింపు మరింత పెరిగింది. మరణాలతోపాటూ... మిస్సింగ్ కేసులూ ఎక్కువగానే ఉంటున్నాయి. ఆ పర్వతాల్లోకి వెళ్లిన వారు ఎటు వెళ్తున్నదీ అర్థం కాక... మిస్సింగ్ అవుతూ చివరకు చనిపోతూ ఉండొచ్చని అంటున్నారు. ఇలా ఆ గని ఇప్పటికీ అంతుబట్టని పరమరహస్యంగా (Mystery gold mine)గా ఉండిపోయింది. (symbolic image - credit - pixabay - Free-Photos)