భారీగా డబ్బు డిమాండ్:
కూపర్ సూట్ కేసు మూసేసి.. నేను చెప్పేది జాగ్రత్తగా రాసుకో... అంటూ ఏదో చెప్పాడు. అదంతా రాసుకుంది. ఇదంతా వెళ్లి కెప్టెన్‌కి చెప్పు అన్నాడు. ఆమెకు ఇచ్చిన నోట్‌లో "నాకు సాయంత్రం 5 గంటలకల్లా $200,000 (రూ.1,49,78,300) కావాలి. ఆ డబ్బు 20 డాలర్ల నోట్ల రూపంలో ఉండాలి. వాటిని ఓ సంచిలో ఉంచాలి. అలాగే నాకు రెండు బ్యాక్ పారాచ్యూట్‌లు, రెండు ఫ్రంట్ పారాచ్యూట్‌లు కావాలి. విమానం ల్యాండ్ అవ్వగానే... వెంటనే ఇంధనం నింపేందుకు ఎయిర్‌పోర్టులో ఇంధన ట్రక్ రెడీగా ఉండాలి. తేడా చేశారో... బాంబు పేలుతుంది" అని రాసి ఉంది. ఫ్లైట్ అటెండెంట్ ద్వారా విషయం FBI ఏజెంట్లకు తెలిసింది. వెంటనే వారు అతను అడిగిన విధంగా డబ్బును సీటిల్ ఏరియా బ్యాంకుల నుంచి తెప్పించారు. అలాగే సీటిల్ పోలీసులు స్థానిక స్కైడైవింగ్ స్కూల్ నుంచి ప్యారాచూట్‌లు తెప్పించారు. (image credit - wikipedia)
అంతా తన ఇష్టప్రకారమే:
కూపర్ అడిగినవి రెడీ చేశారు. విమానం సీటిల్ ఎయిర్‌పోర్టులో ల్యాండ్ అయ్యింది. కూపర్... కొంత మంది ప్రయాణికుల్ని, కొంత మంది సిబ్బందినీ విమానం దిగేందుకు ఒప్పుకున్నాడు. మిగతా వారిని విమానంలోనే ఉండమన్నాడు. ఆ తర్వాత విమానంలో ఇంధనాన్ని నింపమన్నాడు. మెక్సికో సిటీ మీదుగా 10,000 అడుగుల ఎత్తులో విమానాన్ని నడపమన్నాడు. సీటిల్ నుంచి విమానం టేకాఫ్ అయ్యింది. ఈ జర్నీ అంతటా అతను ప్రత్యేకమైన డార్క్ సన్ గ్లాసెస్ పెట్టుకున్నాడు. అందువల్ల అతని చిత్రం గీసేందుకు క్రైమ్ పరిశోధకులకు ఈజీ అయ్యింది. అంతేకాదు.. చాలా మంది అతని కేసుపై తమదైన శైలిలో దర్యాప్తు చేశారు. అఫ్‌కోర్స్ ఎవరూ కేసును ఛేదించలేకపోయారు. (image credit - wikipedia)
ఏమైపోయాడు:
సీటిల్ నుంచి బయలుదేరిన విమానం గాలిలో ఎగురుతూ ఉండంగా... రాత్రి 8 దాటాక... నెవాడాలోని సీటిల్, రెనో మధ్యలో ఓ చోట... కూపర్... విమాన వెనక డోర్‌ను తెరిపించి... కిందకు దూకేశాడు. తనతోపాటూ డబ్బు, రెండు పారాచ్యూట్‌లను పట్టుకెళ్లాడు. కానీ అతను మళ్లీ ఎవరికీ కనిపించలేదు. కూపర్ కోసం 50 ఏళ్లుగా వెతికినా పలితం లేకపోయింది. అసలు అతను ఎవరో, ఎలా బాంబు తెచ్చాడో, విమానం నుంచి దూకాక ఏమయ్యాడో, ఎటు వెళ్లాడో ఏ వివరాలూ తెలియలేదు. FBI, అమెరికా చరిత్రలో ఇదో అత్యంత రహస్యమైన కేసుగా మిగిలిపోయింది. (image credit - wikipedia)