NASA Satellite: తప్పిన శాస్త్రవేత్తల అంచనా.. చందమామకు ముప్పు రాబోతోందా?

ఈమధ్యే చందమామను ఓ భారీ రాకెట్ ఢీకొట్టిందనీ... అందువల్ల రెండు పగులు లోయలు ఏర్పడ్డాయని ప్రకటించిన అమెరికా స్పేస్ రీసెర్చ్ ఏజెన్సీ నాసా (NASA)... తాజాగా మరో విచారకర విషయం చెప్పింది. ఓ శాటిలైట్... కక్ష్య నుంచి జారిపోయి... చందమామవైపు వెళ్తోందని చెప్పింది. అది చందమామను ఢీకొడుతుందా లేదా అన్నది నాసా స్పష్టం చెయ్యలేదు. ఆ శాటిలైట్... మైక్రోవేవ్ ఓవెన్ సైజులో ఉంటుంది. ఈమధ్యే ప్రయోగించగా... భూమి చుట్టూ తిరగాల్సి ఉంది. కానీ జులై 4, 2022న అది దాని కక్ష్యా మార్గం నుంచి పక్కకు వెళ్లిపోయింది. దాంతో శాస్త్రవేత్తలకు దాన్ని కంట్రోల్ చేసే అవకాశం పోయింది. ఆ శాటిలైట్ ఇప్పుడు చందమామవైపు వెళ్తోంది.

శాటిలైట్ పేరు క్యాప్‌స్టోన్ (Capstone). దీన్ని రాకెట్ ల్యాబ్ కంపెనీ తయారుచేసింది. న్యూజిలాండ్‌కి చెందిన మహియా పెనిన్సులా వారం కిందట దీన్ని అంతరిక్షంలోకి పంపింది. ఈ శాటిలైట్ ప్రస్తుతం ఎనర్జీని తక్కువగా వాడుకుంటోంది. అందువల్ల నెమ్మదిగా చందమామవైపు వెళ్తోంది. మరో 4 నెలల తర్వాత ఇది చందమామను చేరే అవకాశం ఉంది.

చందమామకు సంబంధించి ఈ సంవత్సరం నాసాకు అత్యంత కీలకమైనది. ఎందుకంటే ఆర్టెమిస్ (Artemis) అనే మిషన్‌ని నాసా... ఆగస్ట్ 2022లో ప్రారంభిస్తోంది. దీని ద్వారా... చంద్రుడి దక్షిణ ధ్రువంపైకి మొదటిసారి మహిళా వ్యోమగామి (first female astronaut)నీ, మరో వ్యోమగామి (first astronaut of colour)ని దింపాలని చూస్తోంది. 1972లో చివరిదైన అపోలో 17 మిషన్ తర్వాత మళ్లీ ఇప్పుడే ఈ జర్నీ మొదలవుతోంది.
Air Pocket: సముద్రంలో ఎయిర్ పాకెట్.. ఇదేంటో తెలుసా?
ఆర్టెమిస్ కార్యక్రమంలో భాగంగా నాసా... గేట్‌వే (Gateway) అనే స్పేస్‌స్టేషన్‌ని చంద్రుడి కక్ష్యా మార్గంలో ఉంచబోతోంది. ఈ స్పేస్ స్టేషన్ నుంచి వ్యోమగాములు... చందమామపై దిగుతారు. ఇలాంటి సమయంలో ఈ శాటిలైట్ వ్యవహారంపై నాసా ఫోకస్ పెట్టింది. శాటిలైట్‌ని ఆపరేట్ చేసిన కాలిఫోర్నియాలోని రాకెట్ ల్యాబ్, కొలరాడోలోని అడ్వాన్స్డ్ స్పేస్ కమర్షియల్ కంపెనీలతో కలిసి పనిచేస్తోంది.
viral video: కొంపముంచిన అతివేగం.. లవర్స్‌కి ఊహించని ట్విస్ట్
చందమామపై కాలనీని నిర్మించాలన్నది నాసా ఆలోచనగా తెలుస్తోంది. దీన్ని కొందరు సమర్థిస్తుంటే... మరికొందరు వ్యతిరేకిస్తున్నారు. ఇలాంటి చర్యల వల్ల చందమామ తనకున్న సహజత్వాన్ని కోల్పోతుందనీ... మూన్‌ని వాణిజ్య అంశంగా మార్చేయవద్దని అంటున్నారు. శాస్త్రవేత్తలు మాత్రం స్పేస్ టెక్నాలజీని మరింత ముందుకు తీసుకెళ్లడంలో ఆర్టెమిస్ ప్రోగ్రామ్ బాగా ఉపయోగపడుతుందని భావిస్తున్నారు. ఆగస్ట్ ఎప్పుడు వస్తుందా అని వారు ఎదురుచూస్తున్నారు.

చందమామ తర్వాత మార్స్ గ్రహంపై కూడా కాలనీని నిర్మించేందుకు నాసా ప్లాన్ చేస్తున్నట్లు తెలిసింది. ఇందుకోసం భవనాలు నిర్మించేందుకు రోబోలను ఉపయోగిస్తుందనీ, మార్స్ పై మట్టితోనే ఇళ్లు నిర్మించబోతోందనే ప్రచారం జరుగుతోంది.