Mouth to Hell: అదిగో.. భూమిపై బ్లాక్ హోల్.. అన్నీ మింగేస్తోంది
అదో పగులు లోయ. స్థానికులు దాన్ని నరకపు నోరు అంటారు. ఇప్పుడు అది ప్రపంచ శాస్త్రవేత్తల్ని తనవైపు తిప్పుకుంది. ఎన్నో పనుల్లో బిజీగా ఉంటున్న వాళ్లు... అవన్నీ పక్కన పెట్టి... దీని సంగతి ఆలోచించాల్సిన అవసరం ఏర్పడుతోంది. ఎందుకంటే... అది బ్లాక్ హోల్ లాగా ప్రవర్తిస్తోంది. ఇక్కడ బ్లాక్ హోల్ అనేది పెద్ద మాటే కావచ్చు. కానీ లక్షణాలు అలాగే ఉన్నాయి. దీని గురించి అతిశయోక్తిలా కాకుండా... వాస్తవాలకు దగ్గరగా చెప్పుకుందాం. పూర్తి వివరాలు తెలుసుకొని... స్వయంగా మనమే టెస్ట్ చేద్దాం.
భూమిపై బ్లాక్ హోల్ (black hole) ఏర్పడాలంటే.. భూమి బఠాణి గింజ సైజ్‌లోకి మారాలి. సో... ఇప్పుడు మనం చెప్పుకోబోయే పగులు లోయ.. బ్లాక్ హోల్ కాదని క్లారిటీ వచ్చినట్లే. మరి దాన్ని అలా ఎందుకు పోల్చాల్సి వచ్చిందో తెలుసుకుందాం. రష్యా (russia)... సైబీరియాలో... నరకపు నోరు (mouth to hell) అని స్థానికులు పిలిచే పగులు లోయ ఉంది. దాన్ని సైంటిఫిక్‌గా బాటగైక పగులులోయ (Batagaika Crater) అని అంటున్నారు. గూగుల్ మ్యాప్స్‌లో దీని పేరును ఇంగ్లీష్‌లో కొట్టి సెర్చ్ చేస్తే... ఇది మీకు స్వయంగా కనిపిస్తుంది. శాటిలైట్ ఇమేజెస్‌లో దీన్ని చూస్తే... కప్పపిల్ల (tadpole) ఆకారంలో కనిపిస్తుంది.
ఇది ప్రస్తుతం 282 అడుగుల లోతు ఉన్న లోయ. 1980లో దీన్ని తొలిసారి కొలిచిచూశారు. అప్పట్లో ఇది చిన్నగా ఉండేది. కాలం గడిచేకొద్దీ దీని సైజ్ పెరుగుతోంది. ఇప్పుడు ఇది కిలోమీటర్ పొడవు ఉంది. ఈ లోయ చుట్టూ ఉన్న ప్రదేశం రాన్రానూ గొయ్యిలా అయిపోతోంది. సైంటిస్టులేమో... లోయ చుట్టూ ఉన్నది కరిగిపోయే భూమి అంటున్నారు. ఎప్పుడో 25.8 లక్షల సంవత్సరాల కిందట... ఈ భూమి గడ్డకట్టినట్లు అయ్యిందట.
1960కి ముందు ఈ లోయ ఉన్న ప్రాంతంలో... దట్టమైన అడవి ఉండేది. 1960 తర్వాత అడవి పోయింది. నేల మిగిలింది. సూర్యుడి కిరణాలు డైరెక్టుగా పడటం మొదలైంది. దాంతో... నేల కరిగి ఇలా గొయ్యి ఏర్పడటం మొదలైందని అంటున్నారు. సైంటిస్టులు ఏమంటున్నారంటే... ఇలాంటి మరిన్ని లోయలు త్వరలో ఏర్పడతాయి అంటున్నారు. కారణం భూతాపం (global warming) అంటున్నారు.
ప్రస్తుతం నరకపు నోరు లోయ.. సంవత్సరానికి 20 నుంచి 30 మీటర్లు పెరుగుతోంది. ఇది ఇప్పట్లో ఆగేలా లేదు. భవిష్యత్తులో ఈ లోయ ఇంకా ఎంత సైజ్ పెరుగుతుందో తెలియదు.
గూగుల్ ఎర్త్‌లో హిస్టరీ టైమ్ లైన్ చూస్తే... ఈ లోయ సైజ్ పెరుగుతున్న విషయం మనకి స్పష్టంగా తెలుస్తుంది. అందుకు సంబంధించిన వీడియోని ఇక్కడ చూడండి.
పెద్ద పెద్ద శబ్దాలు:వానాకాలంలో అప్పుడప్పుడూ భూమి నుంచి భారీ శబ్దాలు మనకు వినిపిస్తాయి కదా... అలా ఆ లోయ దగ్గర ఉంటున్న వారికి వినిపిస్తున్నాయట. అక్కడ యాకుత్ జాతి ప్రజలు జీవిస్తున్నారు. వారిని ఈ లోయ భయపెడుతోంది. భవిష్యత్తును ప్రశ్నార్థకం చేస్తోంది. వాళ్లే... నరకానికి వెళ్లేందుకు ఈ లోయ మార్గం చూపిస్తుందని నమ్ముతున్నారు. ఏది ఏమైనా నానాటికీ ఈ లోయ పెరుగుతూ... తన చుట్టూ ఉన్న భూమిని లోపలికి లాగేసుకుంటోంది. గొయ్యి పెద్దదవుతోంది. అందుకే ఇదో చిన్న బ్లాక్ హోల్ అనుకోవచ్చు. ఇంకా మనం ఇలాంటి విచిత్రమైన వార్తలు ఎన్ని చూస్తామో కదా.
ఇది ప్రస్తుతం 282 అడుగుల లోతు ఉన్న లోయ. 1980లో దీన్ని తొలిసారి కొలిచిచూశారు. అప్పట్లో ఇది చిన్నగా ఉండేది. కాలం గడిచేకొద్దీ దీని సైజ్ పెరుగుతోంది. ఇప్పుడు ఇది కిలోమీటర్ పొడవు ఉంది. ఈ లోయ చుట్టూ ఉన్న ప్రదేశం రాన్రానూ గొయ్యిలా అయిపోతోంది. సైంటిస్టులేమో... లోయ చుట్టూ ఉన్నది కరిగిపోయే భూమి అంటున్నారు. ఎప్పుడో 25.8 లక్షల సంవత్సరాల కిందట... ఈ భూమి గడ్డకట్టినట్లు అయ్యిందట.
1960కి ముందు ఈ లోయ ఉన్న ప్రాంతంలో... దట్టమైన అడవి ఉండేది. 1960 తర్వాత అడవి పోయింది. నేల మిగిలింది. సూర్యుడి కిరణాలు డైరెక్టుగా పడటం మొదలైంది. దాంతో... నేల కరిగి ఇలా గొయ్యి ఏర్పడటం మొదలైందని అంటున్నారు. సైంటిస్టులు ఏమంటున్నారంటే... ఇలాంటి మరిన్ని లోయలు త్వరలో ఏర్పడతాయి అంటున్నారు. కారణం భూతాపం (global warming) అంటున్నారు.
ప్రస్తుతం నరకపు నోరు లోయ.. సంవత్సరానికి 20 నుంచి 30 మీటర్లు పెరుగుతోంది. ఇది ఇప్పట్లో ఆగేలా లేదు. భవిష్యత్తులో ఈ లోయ ఇంకా ఎంత సైజ్ పెరుగుతుందో తెలియదు.
గూగుల్ ఎర్త్‌లో హిస్టరీ టైమ్ లైన్ చూస్తే... ఈ లోయ సైజ్ పెరుగుతున్న విషయం మనకి స్పష్టంగా తెలుస్తుంది. అందుకు సంబంధించిన వీడియోని ఇక్కడ చూడండి.
పెద్ద పెద్ద శబ్దాలు:వానాకాలంలో అప్పుడప్పుడూ భూమి నుంచి భారీ శబ్దాలు మనకు వినిపిస్తాయి కదా... అలా ఆ లోయ దగ్గర ఉంటున్న వారికి వినిపిస్తున్నాయట. అక్కడ యాకుత్ జాతి ప్రజలు జీవిస్తున్నారు. వారిని ఈ లోయ భయపెడుతోంది. భవిష్యత్తును ప్రశ్నార్థకం చేస్తోంది. వాళ్లే... నరకానికి వెళ్లేందుకు ఈ లోయ మార్గం చూపిస్తుందని నమ్ముతున్నారు. ఏది ఏమైనా నానాటికీ ఈ లోయ పెరుగుతూ... తన చుట్టూ ఉన్న భూమిని లోపలికి లాగేసుకుంటోంది. గొయ్యి పెద్దదవుతోంది. అందుకే ఇదో చిన్న బ్లాక్ హోల్ అనుకోవచ్చు. ఇంకా మనం ఇలాంటి విచిత్రమైన వార్తలు ఎన్ని చూస్తామో కదా.