ఆ వంతెన పేరు ఎత్తితే చాలు.. కుక్కల యజమానులు హడలిపోతారు. తమ కుక్కలను అటువైపు పోకుండా జాగ్రత్తపడతారు. ఎందుకంటే.. ఆ వంతెన మీదకు వెళ్లిన ఏ కుక్క తిరిగి రాదు. అక్కడి నుంచి దూకి ఆత్మహత్య చేసుకుంటాయి. అదేంటీ? కుక్కలు ఎలా ఆత్మహత్య చేసుకుంటాయనేగా మీ అనుమానం? అయితే, మీరు స్కాట్‌ల్యాండ్ డాగ్ సూసైడ్ వంతెన గురించి తెలుసుకోవల్సిందే.
1950 నుంచి ప్రజలు ఈ వంతెనను ‘ద బ్రిడ్జ్ ఆఫ్ డెత్’ అని పిలవడం మొదలుపెట్టారు. ఎందుకంటే, కుక్కలు ఆ వంతెన పైకెక్కి కింది దూకి చనిపోయేవి. ఇప్పటివరకు సుమారు 600 పైగా కుక్కలు అక్కడి నుంచి దూకాయి. వీటిలో కొన్ని చనిపోగా, మరికొన్ని ప్రాణాలతో బయటపడ్డాయి. అప్పటి నుంచి పెంపుడు కుక్కల యజమానులు తమ కుక్కలతో ఆ ప్రాంతాన్ని సందర్శించడం లేదు. మనుషుల తరహాలో కుక్కలు ఆత్మహత్యలు చేసుకోలేవనే సంగతి తెలిసిందే. కానీ, అక్కడికి వెళ్తే అవి ఎందుకు ప్రవర్తిస్తున్నాయనే విషయాన్ని తెలుసుకోడానికి చాలామంది ప్రయత్నించారు.
అక్కడి నుంచి దూకి చనిపోయిన చాలా కుక్కలు వంతెన కింద ఉన్న రాళ్లపై పడటం వల్ల చనిపోయాయని తెలిసింది. అక్కడ చనిపోయిన కుక్కల ముక్కు నుంచి రక్తం కారేది. పైగా ఆ కుక్కలన్నీ వంతెనకు కుడి వైపు నుంచే దూకడం గమనార్హం. 2005లో ఈ ప్రాంతాన్ని సందర్శించిన డాక్టర్ డెవిడ్ సాండ్స్ అనే సైకాలజిస్ట్ ఈ మిస్టరీని చేధించేందుకు ఈ వంతెన వద్దకు వెళ్లాడు. తనతోపాటు కెమేరా టీమ్‌ను కూడా తీసుకెళ్లాడు.
‘‘కుక్కల గురించి మరిచిపోండి.. వంతెన మీదకు ఎక్కిన తర్వాత నాకు కూడా వింత భావన కలిగింది. ఒళ్లంతా మండిపోతున్నట్లు అనిపించింది. నాతో తీసుకెళ్లిన 19 ఏళ్ల కుక్క హ్యండ్రిక్స్ ఒక్క ఉదుటున వంతెన మీద నుంచి దూకింది. అయితే, అది ప్రాణాలతో బయటపడింది. ఆ సమయంలో అది చాలా ఒత్తిడికి లోనైనట్లు కనిపించింది. అందుకే అది అక్కడి నుంచి దూకేసిందని అనిపించింది’’ అని డెవిడ్ సాండ్స్ తెలిపారు. ఆ వంతెన నిర్మాణంలో ఏదో లోపం ఉందని, అక్కడ ఏర్పడుతున్న గందరగోళ ఫ్రీక్వెన్సీని కేవలం కుక్కలు మాత్రమే గ్రహించగలవన్నారు. అయితే, కుక్కలు ఆత్మహత్య చేసుకుంటున్నాయని భావించడం కంటే అనాలోచితంగా దూకేస్తున్నాయని అనుకోవడమే ఉత్తమం అని తెలిపారు. ఎంతమంది ఎన్ని పరిశోధనలు చేసినా.. ఈ మిస్టరీని చేధించలేకపోయారు. దీంతో అక్కడ ఆత్మలు తిరుగుతున్నాయని, అందుకే కుక్కలు అక్కడికి వెళ్లాక బలవన్మరణానికి పాల్పడుతున్నాయని మరికొందరు వాదిస్తున్నారు.
1950 నుంచి ప్రజలు ఈ వంతెనను ‘ద బ్రిడ్జ్ ఆఫ్ డెత్’ అని పిలవడం మొదలుపెట్టారు. ఎందుకంటే, కుక్కలు ఆ వంతెన పైకెక్కి కింది దూకి చనిపోయేవి. ఇప్పటివరకు సుమారు 600 పైగా కుక్కలు అక్కడి నుంచి దూకాయి. వీటిలో కొన్ని చనిపోగా, మరికొన్ని ప్రాణాలతో బయటపడ్డాయి. అప్పటి నుంచి పెంపుడు కుక్కల యజమానులు తమ కుక్కలతో ఆ ప్రాంతాన్ని సందర్శించడం లేదు. మనుషుల తరహాలో కుక్కలు ఆత్మహత్యలు చేసుకోలేవనే సంగతి తెలిసిందే. కానీ, అక్కడికి వెళ్తే అవి ఎందుకు ప్రవర్తిస్తున్నాయనే విషయాన్ని తెలుసుకోడానికి చాలామంది ప్రయత్నించారు.
అక్కడి నుంచి దూకి చనిపోయిన చాలా కుక్కలు వంతెన కింద ఉన్న రాళ్లపై పడటం వల్ల చనిపోయాయని తెలిసింది. అక్కడ చనిపోయిన కుక్కల ముక్కు నుంచి రక్తం కారేది. పైగా ఆ కుక్కలన్నీ వంతెనకు కుడి వైపు నుంచే దూకడం గమనార్హం. 2005లో ఈ ప్రాంతాన్ని సందర్శించిన డాక్టర్ డెవిడ్ సాండ్స్ అనే సైకాలజిస్ట్ ఈ మిస్టరీని చేధించేందుకు ఈ వంతెన వద్దకు వెళ్లాడు. తనతోపాటు కెమేరా టీమ్‌ను కూడా తీసుకెళ్లాడు.
‘‘కుక్కల గురించి మరిచిపోండి.. వంతెన మీదకు ఎక్కిన తర్వాత నాకు కూడా వింత భావన కలిగింది. ఒళ్లంతా మండిపోతున్నట్లు అనిపించింది. నాతో తీసుకెళ్లిన 19 ఏళ్ల కుక్క హ్యండ్రిక్స్ ఒక్క ఉదుటున వంతెన మీద నుంచి దూకింది. అయితే, అది ప్రాణాలతో బయటపడింది. ఆ సమయంలో అది చాలా ఒత్తిడికి లోనైనట్లు కనిపించింది. అందుకే అది అక్కడి నుంచి దూకేసిందని అనిపించింది’’ అని డెవిడ్ సాండ్స్ తెలిపారు. ఆ వంతెన నిర్మాణంలో ఏదో లోపం ఉందని, అక్కడ ఏర్పడుతున్న గందరగోళ ఫ్రీక్వెన్సీని కేవలం కుక్కలు మాత్రమే గ్రహించగలవన్నారు. అయితే, కుక్కలు ఆత్మహత్య చేసుకుంటున్నాయని భావించడం కంటే అనాలోచితంగా దూకేస్తున్నాయని అనుకోవడమే ఉత్తమం అని తెలిపారు. ఎంతమంది ఎన్ని పరిశోధనలు చేసినా.. ఈ మిస్టరీని చేధించలేకపోయారు. దీంతో అక్కడ ఆత్మలు తిరుగుతున్నాయని, అందుకే కుక్కలు అక్కడికి వెళ్లాక బలవన్మరణానికి పాల్పడుతున్నాయని మరికొందరు వాదిస్తున్నారు.