(image credit - istock)
సుదీర్ఘ అడుగు:
మన సౌరకుటుంబంలో భూమిపై మాత్రమే జీవం ఉన్నట్లు కనిపిస్తోంది కదా. సో... ఇక మనం ఎంత వెతికినా... మిగతా గ్రహాలపై గ్రహాంతర వాసులు ఉన్నట్లు కనిపించట్లేదు. కాబట్టి... మన సౌర కుటుంబానికి అవతల... వేరే సూర్యుళ్ల చుట్టూ తిరుగుతున్న గ్రహాలను అన్వేషించటం సరైన విధానం అని ఆలోచించారు సైంటిస్టులు. అలాగైతే... మనకు దగ్గర్లో ఉన్న నక్షత్రం ప్రాగ్జిమా సెంటారీ (Proxima Centauri). రాత్రివేళ ఇది మన కంటికి కనిపిస్తూనే ఉంటుంది. ఇది భూమికి 4.2 కాంతి సంవత్సరాల దూరంలో ఉంది. అంటే కాంతి వేగంతో మనం దూసుకెళ్తే... దీన్ని చేరేందుకు 4.2 సంవత్సరాలు పడుతుంది. అదే ఏ రాకెట్టో వేసుకొని బయల్దేరితే... దీన్ని చేరేందుకు... 19వేల సంవత్సరాలు పడుతుంది. దీనికి దగ్గర్లోనే మరో రెండు నక్షత్రాలు ఉన్నాయి. ఈ మూడింటి చెంతకు మానవుల జర్నీ సాగాలన్న ఆలోచనకు తొలి అడుగే ఈ ప్రాజెక్టు.
(image credit - pixabay)
ఇంటర్‌స్టెల్లార్ సందేశం:
ఈ ప్రాజెక్టులో భాగంగా... సైంటిస్టులు... స్టార్చిప్ (Starchip) అని పిలిచే... చిన్న చిన్న చిప్‌లను... ఆల్ఫా సెంటారీ నక్షత్ర వ్యవస్థ చెంతకు పంపుతారు. ఇవి కాంతి వేగంలో 20 శాతం వేగంతో 20 నుంచి 30 సంవత్సరాల్లో టార్గెట్ ప్రాంతాన్ని చేరుకుంటాయి. మూడు నక్షత్రాల చుట్టూ తిరుగుతున్న గ్రహాలపైకి ఇవి చేరతాయి. ఆ గ్రహాలపై మన లాంటి మనుషులు (గ్రహాంతరవాసులు - Aliens) ఉంటే... వారు... ఆ చిప్‌లను చూస్తారు. తద్వారా మనకు తమ సందేశం పంపగలరు. ఒకవేళ ఎవరూ లేకపోయినా... ఈ చిప్‌ల నుంచి రివర్సులో భూమికి డేటా చేరుతుంది. అందుకు మరో 4 సంవత్సరాలు పడుతుంది. ఇలా 25 సంవత్సరాల తర్వాత... మనకు దగ్గర్లోనే ఉన్న నక్షత్ర వ్యవస్థలో ఏలియన్స్ ఉన్నదీ లేనిదీ కచ్చితమైన ఆధారాలతో తెలుస్తుంది.
(image credit - pixabay)
ఆ గ్రహమే టార్గెట్:
ఆల్ఫా సెంటారీ నక్షత్ర వ్యవస్థలో... ప్రాగ్జిమా సెంటారీ బి (Proxima Centauri b) అనే గ్రహం ఉంది. అది భూమి కంటే కొద్దిగా పెద్దగా ఉంటుంది. అది ప్రాగ్జిమా సెంటారీ అనే నక్షత్రం చుట్టూ తిరుగుతోంది. ఆ గ్రహం తిరిగే కక్ష్యా మార్గాన్ని బట్టీ... దానిపై పడుతున్న అక్కడి సూర్యుడి ఎండను బట్టీ... దానిపై జీవం ఉండేందుకు అన్ని అవకాశాలూ ఉన్నాయని శాస్త్రవేత్తలు నమ్ముతున్నారు. అందువల్ల శాస్త్రవేత్తలు పంపే స్టార్‌చిప్‌లలో ఎక్కువ చిప్‌లు ఆ గ్రహంపైనే పడనున్నాయి. ఇవి అక్కడి వాతావరణంలో దూసుకెళ్లి... ఆ గ్రహ ఉపరితలంపై పడిన తర్వాత... అక్కడి వాతావరణం ఎలా ఉంది? జీవులు ఉన్నాయా లేదా? మనుషులు జీవించేందుకు అవకాశాలు ఉన్నాయా? వంటి ఎన్నో ప్రశ్నలకు సమాధానాలు ఇవ్వనున్నాయి.
(image credit - pixabay)
ఈ ప్రాజెక్టు అంత ముఖ్యమైనదా?
ఇది సాధారణ ప్రాజెక్టు కాదు. అంతరిక్ష ప్రయోగాల్లో మనిషి వేసే అతిపెద్ద అడుగు ఇదే. అంతేకాదు... సౌర కుటుంబానికి అవతల జరగబోయే అతి పెద్ద ప్రయోగం ఇది. ఇది సక్సెస్ అయితే... ఇకపై రోదసీ ప్రయాణాల లక్ష్యాలన్నీ అల్ఫా సెంటారీ మూడు నక్షత్రాల వ్యవస్థ వైపే సాగుతాయి. అక్కడి తొలి గ్రహంపైకి మానవ ప్రయాణం ఎలా అన్నదే శాస్త్రవేత్తల కీ పాయింట్ అవుతుంది. అంతేకాదు... కాంతి వేగంతో ఎలా ప్రయాణించాలి అన్నదానిపై లోతుగా పరిశోధనలు జరుగుతాయి. భవిష్యత్తులో నక్షత్రాల మధ్య ఇంటర్‌స్టెల్లార్ ప్రయాణాలు సాగించేందుకు ఈ ప్రాజెక్టే బూస్ట్ ఇవ్వనుంది.
(image credit - pixabay)
ఎప్పుడు ప్రారంభిస్తారు?
దాదాపు $10 బిలియన్ (రూ.76,955 కోట్లు) అంచనాతో 2016 ఏప్రిల్ 12న ఈ ప్రాజెక్టును న్యూయార్క్ సిటీలో ప్రకటించారు. 2036లో తొలి స్పేస్‌క్రాఫ్ట్ బయలుదేరుతుందని అంచనా వేశారు. ఆ స్పేస్ క్రాఫ్ట్‌లోనే స్టార్ చిప్‌లు ఉంటాయి. స్పేస్‌క్రాఫ్ట్ అంతరిక్షంలోకి వెళ్లాక... ఆ చిప్‌లను అత్యంత వేగంతో టార్గెట్ వైపు వదిలేస్తుంది. ఆ తర్వాత అవి తమ ప్రయాణం సాగిస్తాయి. 2036లోనే ఇది లాంచ్ అయితే... 2056 తర్వాత ఆ చిప్‌లు... గమ్యాన్ని చేరతాయి. 2060 తర్వాత ఇంటర్‌స్టెల్లార్ సందేశం భూమికి వస్తుంది. తద్వారా మానవ జాతి చరిత్రలో.. అదో చరిత్రాత్మక ఘట్టం అవుతుంది. ఆ రోజు కోసం ఖగోళ శాస్త్రవేత్తలు ఎదురుచూస్తున్నారు.
(image credit - pixabay)