ట్రోఫీని ఫ్యాన్స్‌పైకి విసిరేసిన కోహ్లి..!

ఐపీఎల్ పదో సీజన్‌‌ని పేలవంగా ఆరంభించినా.. గెలుపుతో టోర్నీని ముగించడంతో రాయల్ ఛాలెంజర్స్ బెంగళూరు కెప్టెన్ విరాట్ కోహ్లి చాలా సంతోషంగా కనిపించాడు. ఢిల్లీ డేర్‌డెవిల్స్‌తో ఆదివారం రాత్రి జరిగిన మ్యాచ్‌లో 10 పరుగుల తేడాతో బెంగళూరు విజయం సాధించిన విషయం తెలిసిందే. దాదాపు ఆరు వరుస ఓటముల తర్వాత బెంగళూరు ఈ విజయాన్ని అందుకుంది. ఈ మ్యాచ్‌లో విరాట్ కోహ్లి (58: 45 బంతుల్లో 3x4, 3x6) అర్ధశతకం బాదడంతో అతనికి ‘స్టైలిష్ ప్లేయర్ ఆఫ్ ద మ్యాచ్’ అవార్డుని అందజేశారు.

#ViratKohli gifted his Stylish Player of the match trophy to his fans in the stadium @imVkohli #RCBvDD 😍😍😍😘 pic.twitter.com/9z9KszE7uh — Virat Kohli (@vinod_baadshah) May 15, 2017
కోహ్లి ఈ అవార్డును అందుకుంటున్న సమయంలో అతనికి సమీపంలోని స్టాండ్స్‌లో ఉన్న అభిమానులు కోహ్లి.. కోహ్లి అంటూ గట్టిగా అరుస్తూ కనిపించారు. ఆ అభిమానానికి ముగ్ధుడైన విరాట్ కోహ్లి తనకి అవార్డు రూపంలో వచ్చిన ట్రోఫీని డైరెక్ట్‌గా తీసుకెళ్లి ప్రేక్షకుల గుంపులోకి విసిరాడు. మ్యాచ్ జరిగిన ఫిరోజ్ షా కోట్ల ఈ బెంగళూరు కెప్టెన్‌కి సొంత మైదానం కావడంతోనే అభిమానులు పెద్ద ఎత్తున మద్దతు తెలిపారు.