షియోమి నుంచి మరో అదిరిపోయే ఫోన్!

సరసమైన ధరలకే అధిక ఫీచర్లతో కూడిన స్మార్ట్‌ఫోన్లను అందిస్తూ భారతీయుల మనసు దోచిన చైనా షియోమి మరో అదిరిపోయే స్మార్ట్‌ఫోన్‌ను సిద్ధం చేస్తోంది. షియోమి ఎంఐ మ్యాక్స్ 2గా చెప్పుకుంటున్న ఈ స్మార్ట్‌ఫోన్‌కి సంబంధించిన కొన్ని ఫీచర్లు బయటికొచ్చాయి. శక్తివంతమైన క్వాల్‌కామ్ స్నాప్‌డ్రాగన్ 660 ప్రాసెసర్‌ను ఈ కొత్త స్మార్ట్‌ఫోన్‌లో వాడినట్లు తెలుస్తోంది. అలాగే ఎంఐ మ్యాక్స్ 2లో పటిష్ఠమైన 5,000 ఎంఏహెచ్ బ్యాటరీని వాడారట.

ఇక డిస్ప్లే విషయానికి వస్తే.. 1080x1920 పిక్సెల్ రిజల్యూషన్‌తో 6.4 అంగుళాల ఫుల్ హెచ్‌డీ డిస్ప్లేను దీనిలో వాడినట్లు సమాచారం. ఆండ్రాయిడ్ 7.1.1 నౌగాట్ ఆపరేటింగ్ సిస్టమ్‌పై ఈ ఫోన్ పనిచేస్తుంది. ఇక ఎంఐ 5ఎస్‌లో వాడిన కెమెరానే దీనిలో కూడా వాడినట్లు తెలుస్తోంది. అంటే వెనుకవైపు 12ఎంపీ సోనీ ఐఎంఎక్స్378 కెమెరా ఉంటుంది. ఇక సెల్ఫీల కోసం 5ఎంపీ ఫ్రంట్ ఫేసింగ్ కెమెరా ఉంటుందని అంచనా. ధర రూ. 14వేల నుంచి రూ. 16వేల మధ్య ఉండొచ్చు.